Béyjingda, amérika, xitay we shimaliy koriye 6 terep wekilliri söhbette boldi

Amérika, xitay we shimali koriye wekilliri yéqinda béyjingda uchriship, shimaliy koriyining yadro qoralliri pilanini toxtitish heqqidiki 6 terep söhbitini eslige keltürüsh heqqide muzakire élip bardi. Lékin bu 3 dölet diplomatliri mezkur söhbet heqqide tepsiliy melumat bérishtin özlirini qachurdi.

Xewerlerde éytilishiche, amérika, xitay we shimaliy koriyining 6 terep söhbiti déplomatlirining hemmisining dégidek keypiyati töwen bolup, ular muxbirlarni ziyaritini qobul qilishni xalimighan.

Yaponiye we jenubiy koriyining 6 terep söhbiti wekillirimu mushu hepte béyjinggha yétip kelgen؛ lékin ularmu ashkara otturigha chiqishni xalimighan. Rosiye terep bolsa, bu qétim béyjingda échiliwatqan mezkur söhbetke wekil ewetmigen.

Xitay tashqi ishlar ministirliqining bayanatchisi jyang yü bu qétimqi béyjingdiki uchrishish arqiliq, 6 terep söhbitining chapsanraq eslige kélishini ümid qilidighanliqini bildürgen. Lékin shimaliy koriyining béyjingda turushluq konsuli bu heqte héchqandaq pikir bayan qilmighan.

Shimaliy koriye amérika yürgüzgen iqtisadiy jazadin qattiq narazi bolup kelgen idi. Yéqinda, amérika shimaliy koriyining maliye cheklimisi mesilisini bir terep qilishqa maqul bolghandin kéyin, shimaliy koriye qayta söhbette bolushqa maqul bolghan. (Méhriban)