Shimaliy koriye dawamliq yadro siniqi élip bérish arqiliq xelq'ara jem'iyetning jazalash tedbirige taqabil turmaqchi

'Birleshme agéntliqi'ning 10 ‏- ayning 11 ‏- küni si'ol shehiridin xewer qilishiche, shimaliy koriye 9 ‏- öktebir küni yadro siniqi élip barghanliqini jakarlash arqiliq rayon xaraktérliq jiddiylik peyda qilghandin kéyin, xoshna döletlerning pinyong hökümitini jazalash toghrisida qoyghan teklipliri birleshken döletler teshkilatining bixeterlik kéngishide muzakire qilinishqa bashlighan idi.

Amérika prézidénti jorji bush 11 ‏- öktebir küni shimaliyy koriyige herbi hujum qilmay qattiq iqtisadiy jaza qollunushni teshebbus qilghan. Bundaq ehwal astida, shimaliy koriye xelq'ara teshkilatning qollinishi mumkin bolghan jazalash tedbirini 'urush élan qilghanliq' dep qaraydighanliqini we buninggha taqabil turush üchün dawamliq yadro siniqini élip baridighanliqini bildürgen.

'Kyoto xewerliri'de bayan qilinishiche, yaponiye awam palatasi11 ‏- öktebir küni kechte shimaliy koriyining yadro siniqi élip bérishqa qarshi turush toghrisida qarar maqullap, buninggha asasen shimaliy koriyidin mal import qilishni tamamen toxtutush, shimaliy koriyiliklerni yaponiyige kirgüzmeslik, shimaliy koriye paraxotlirining yapon piristanlirida toxtitilishini men'i qilish qatarliq iqtisadiy tedbirlerni qollunushqa bashlighan. (Weli)