Шималий корийә ядро қораллар сөһбәт үстилигә қайтип келидикән

Шималий корийә рәһбири ким җуңил, шималий корийиниң бу йил 7 - айда шималий корийә ядро қораллар мәсилиси бойичә 6 тәрәп сөһбәт үстилигә қайтип келидиғанлиқини билдүргән.

Бирләшмә ахбарат агентлиқиниң хәвәр қилишичә, ким җуңил бу сөзни җүмә күни җәнубий корийә бирликкә келиш министири чоң доң йоң билән пйоңяңда учрашқанда тәкитлигән болуп, чоң доң юң, ким җуңилниң " әгәр америка шималий корийини сөһбәт шерикимиз дәп тониса, шималий корийә 6 тәрәп сөһбитигә қайтип келиши мумкин" дегәнликини ашкарилиди.

Чоң доң йоңниң ашкарилишичә, ким җуңил" әгәр һакимийәтниң бихәтәрлики капаләткә игә болса, ядро қорали ясашни тохтатмаслиқниң сәвәби қалмайду," дәп көрсәткән. У, ядро қораллар мәасилидики тиркишиш һәл болса шималий корийиниң "хәлқара ядро қоралларни чәкләш шәртнамиси" ға қатнишип, б д т атом енергийә идарисиниң шималий корийә ядро әслиһәлирини тәкшүрүшигә рухсәт қилидиғанлиқини билдүргән.

Чоң доң юң, икки корийә башлиқлар сөһбитиниң йиллиқини хатириләш мунасивити билән шималий корийини зиярәт қилған. Бу икки корийә юқири дәриҗилик әмәлдарлириниң йеқинқи 3 йилдин бери тунҗи қетим учрушуши болуп һесаблиниду.

Америка, шималий корийә сөһбәт үстилигә тез арида қайтип кәлмисә, шималий корийә мәсилисини хәвпсизлик кеңишиниң музакирисигә сунидиғанлиқини агаһландурмақта иди. (Әркин)