Shimaliy koriye yadro qorallar söhbet üstilige qaytip kélidiken

Shimaliy koriye rehbiri kim jung'il, shimaliy koriyining bu yil 7 - ayda shimaliy koriye yadro qorallar mesilisi boyiche 6 terep söhbet üstilige qaytip kélidighanliqini bildürgen.

Birleshme axbarat agéntliqining xewer qilishiche, kim jung'il bu sözni jüme küni jenubiy koriye birlikke kélish ministiri chong dong yong bilen pyongyangda uchrashqanda tekitligen bolup, chong dong yung, kim jung'ilning " eger amérika shimaliy koriyini söhbet shérikimiz dep tonisa, shimaliy koriye 6 terep söhbitige qaytip kélishi mumkin" dégenlikini ashkarilidi.

Chong dong yongning ashkarilishiche, kim jung'il" eger hakimiyetning bixeterliki kapaletke ige bolsa, yadro qorali yasashni toxtatmasliqning sewebi qalmaydu," dep körsetken. U, yadro qorallar me'asilidiki tirkishish hel bolsa shimaliy koriyining "xelq'ara yadro qorallarni cheklesh shertnamisi" gha qatniship, b d t atom énérgiye idarisining shimaliy koriye yadro eslihelirini tekshürüshige ruxset qilidighanliqini bildürgen.

Chong dong yung, ikki koriye bashliqlar söhbitining yilliqini xatirilesh munasiwiti bilen shimaliy koriyini ziyaret qilghan. Bu ikki koriye yuqiri derijilik emeldarlirining yéqinqi 3 yildin béri tunji qétim uchrushushi bolup hésablinidu.

Amérika, shimaliy koriye söhbet üstilige téz arida qaytip kelmise, shimaliy koriye mesilisini xewpsizlik kéngishining muzakirisige sunidighanliqini agahlandurmaqta idi. (Erkin)