Америка билән хитай, шимали корийини сөһбәт үстилигә қайтип келишкә чақирди


2005.02.18
Share on WhatsApp
Share on WhatsApp

Америка билән хитай шимали корийини ядро қораллар сөһбәт үстилигә қайтуруп келиш мәсилисидә ортақ пикиригә игилиқини елан қилди. Америкиниң ядро қораллар мәсилиси бойичә баш сөһбәт вәкили кристофир хилл, җүмә күни сейолда хитайниң америка билән биргә шимали корийә 6 дөләт сөһбәт үстилигә қайтип келиши шәрт , дәп қарайдиғанлиқини билдүрди.

Кристофир хилл пәйшәнбә күни бейҗиңни зиярәт қилип, хитай ташқий ишлар министири ли җавшиң билән сөһбәт өткүзгән. У, өзиниң хитай даирилири билән " шимали корийини сөһбәт үстилигә қайтуруп келиш мәсилисидә келишим һасил қилғанлиқини" ашкарилиди. Хилл, ли җавшиң билән елип барған сөһбитидин кейин мухбирларни күтүвелип, шимали корийә ядро қораллар мәсилиси бойичә чақирилидиған 6 тәрәп сөһбитини кечиктүрүшкә болмайдиғанлиқини тәкитлигән.

Бирләшмә ахбарат агентлиқиниң хәвәр қилишичә, америка һөкүмити хитайниң иқтисади тәсир күчини ишқа селип, шимали корийини хәлқара җәмийәт билән һәмкарлишишқа көндүрүшни үмид қилидикән. Шимали корийә өткән һәптә 6 тәрәп сөһбитидин чекинип чиққанлиқини җакарлап, америка шимали корийигә қаратқан "дүшмәнлик сиясити" дин ваз кәчмигичә сөһбәт үстилигә қайтип кәлмәйдиғанлиқини елан қилған.

Президент буш пәйшәнбә күни шимали корийә ядро қораллар мәсилисини дипломатик йол билән һәл қилиш тоғра истратегийә, дәп көрсәтти. Хитай ташқи ишлар министирлиқиниң билдүрүшичә, бейҗиң һөкүмити компартийиниң юқири дәриҗилик әмәлдари ваң җяруйни шималий корийигә әвәтидикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.