Amérika bilen xitay, shimali koriyini söhbet üstilige qaytip kélishke chaqirdi


2005.02.18
Share on WhatsApp
Share on WhatsApp

Amérika bilen xitay shimali koriyini yadro qorallar söhbet üstilige qayturup kélish mesiliside ortaq pikirige igiliqini élan qildi. Amérikining yadro qorallar mesilisi boyiche bash söhbet wekili kristofir xill, jüme küni séyolda xitayning amérika bilen birge shimali koriye 6 dölet söhbet üstilige qaytip kélishi shert , dep qaraydighanliqini bildürdi.

Kristofir xill peyshenbe küni béyjingni ziyaret qilip, xitay tashqiy ishlar ministiri li jawshing bilen söhbet ötküzgen. U, özining xitay da'iriliri bilen " shimali koriyini söhbet üstilige qayturup kélish mesiliside kélishim hasil qilghanliqini" ashkarilidi. Xill, li jawshing bilen élip barghan söhbitidin kéyin muxbirlarni kütüwélip, shimali koriye yadro qorallar mesilisi boyiche chaqirilidighan 6 terep söhbitini kéchiktürüshke bolmaydighanliqini tekitligen.

Birleshme axbarat agéntliqining xewer qilishiche, amérika hökümiti xitayning iqtisadi tesir küchini ishqa sélip, shimali koriyini xelq'ara jem'iyet bilen hemkarlishishqa köndürüshni ümid qilidiken. Shimali koriye ötken hepte 6 terep söhbitidin chékinip chiqqanliqini jakarlap, amérika shimali koriyige qaratqan "düshmenlik siyasiti" din waz kechmigiche söhbet üstilige qaytip kelmeydighanliqini élan qilghan.

Prézidént bush peyshenbe küni shimali koriye yadro qorallar mesilisini diplomatik yol bilen hel qilish toghra istratégiye, dep körsetti. Xitay tashqi ishlar ministirliqining bildürüshiche, béyjing hökümiti kompartiyining yuqiri derijilik emeldari wang jyaruyni shimaliy koriyige ewetidiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.