Süriye we liwan, rafiq herrini süyqest qilishta qoli barliqini inkar qildi
2005.10.21
Rusiye we liwan hökümiti jüme küni bayanat élan qilip, liwanning sabiq bash ministiri rafiq heririning süyqestke uchrash dilosigha qoli barliqini inkar qildi.
Buning aldida, b d t heriri dilosi üstidin tekshürüsh doklatini élan qilip, ikki dölettiki yuqiri derijilik hökümet emeldarlirining sabiq bash ministiri rafiq herrining öltürülishi bilen alaqisi barliqini bildürgen idi.
Peyshenbe küni élan qilin'ghan bu doklatta yene, süriye herbiy axbarat da'irilirining mes'oli we süriyining prézidénti el esed ayalining taghisining u qétimqi süyqestke chétishliqi barliqi körsitilgen. Refiq heriri, bu yil 14 - féwralda liwanning paytexti béyrutta yüz bergen bir qétimliq özini öltürüwélish xaraktérliq partlash weqeside ölgen. B d t tekshürgüchilirining bildürüshiche, bu süyiqest buningdin bir qanche ay ilgiri pilanlan'ghan.
Süriye axbarat ministiri jüme küni b d t tekshürgüchilirining bu doklatini siyasiy xa'ishqa ige, heqiqet emes dep körsetti. B d t ning doklatida shundaqla liwanning süriyeperes prézidénti laxodning süyqest bilen alaqisi barliqi heqqidiki gumanlar otturigha qoyulghan. Chünki ular süyiqest yüz bérishtin sel ilgirila, liwan prézidénti laxodning süyqestke munasiwetlik bir jinayet gumandarining téléfonini alghanliqini bayqighan. Emma prézidént laxodning bayanatchisi buni inkar qilip, laxodning u kishi bilen ezeldin alaqiliship baqmighanliqini bildürdi. (Arzu)
Munasiwetlik maqalilar
- Süriye liwandiki qoshunini 5 - ayghiche chékindürüp chiqmaqchi
- Süriye, liwandiki qoshunlirini mart ichide chékindüridu
- Amérika süriyining liwandiki qoshunlirini pütünley élip chiqip kétishini telep qildi
- Iran, süriye bilen bir septe turup tehditke ortaq taqabil turidighanliqini jakarlidi
- Amérika süriyini liwanning ichki ishlirigha arilashmasliqqa agahlandurdi