Америкидики бир қисим парламент әзалири хитайни җазалаш һәққидә қанун лайиһисини оттуриға қойди


2005-02-10
Share

Америка дөләт мәҗлисиниң төт нәпәр әзаси чаршәнбә күни бир тәклип қанун лайиһисини оттуриға қоюп, америка билән хитай оттурисидики мәңгүлүк нормал сода мунасивитини әмәлдин қалдурушни тәләп қилди.

Бу қетимқи һәрикәтниң башлиғучиси, вермант штатидин сайланған дөләт мәҗлиси әзаси бернард сандис авам палатасиниң ахбарат елан қилиш залида қилған сөзидә, америка дөләт мәҗлисиниң 2000 - йили хитайға бәргән мәңгүлүк нормал сода мунасивити имтиязини қайтуривелиш керәкликини көрсәтти.

У сөзидә: "һәр қандақ киши әгәр америка билән хитай оттурисидики сода мунасивитигә әмилийәткә һөрмәт қилған һалда қарап чиқса, америкиниң бу җәһәттики сияситиниң пүтүнләй ақмайдиған бир сиясәт болуп қалғанлиқини сезиду. Һазир буни өзгәртиштин башқа таллаш йоқ" - дегән. У йәнә америкиниң хитайға қаратқан сода сияситиниң , америкиниң ишләпчиқириш саһәсидики хизмәт пурсәтлириниң йоқилишиға сәвәб болғанлиқини билдүргән.

Улуғ ира гезитиниң хәвиригә қариғанда, бу қанун лайиһиси нөвәттә 56 нәпәр парламент әзалириниң қоллишиға еришкән. Әмма күзәткүчиләр, бу қанун лайиһисиниң америка дөләт мәҗлисиниң қараридин өтүш еһтималлиқиға гуман билән қаримақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт