Amérikidiki bir qisim parlamént ezaliri xitayni jazalash heqqide qanun layihisini otturigha qoydi


2005-02-10
Share

Amérika dölet mejlisining töt neper ezasi charshenbe küni bir teklip qanun layihisini otturigha qoyup, amérika bilen xitay otturisidiki menggülük normal soda munasiwitini emeldin qaldurushni telep qildi.

Bu qétimqi heriketning bashlighuchisi, wérmant shtatidin saylan'ghan dölet mejlisi ezasi bérnard sandis awam palatasining axbarat élan qilish zalida qilghan sözide, amérika dölet mejlisining 2000 - yili xitaygha bergen menggülük normal soda munasiwiti imtiyazini qayturiwélish kéreklikini körsetti.

U sözide: "her qandaq kishi eger amérika bilen xitay otturisidiki soda munasiwitige emiliyetke hörmet qilghan halda qarap chiqsa, amérikining bu jehettiki siyasitining pütünley aqmaydighan bir siyaset bolup qalghanliqini sézidu. Hazir buni özgertishtin bashqa tallash yoq" - dégen. U yene amérikining xitaygha qaratqan soda siyasitining , amérikining ishlepchiqirish sahesidiki xizmet pursetlirining yoqilishigha seweb bolghanliqini bildürgen.

Ulugh ira gézitining xewirige qarighanda, bu qanun layihisi nöwette 56 neper parlamént ezalirining qollishigha érishken. Emma küzetküchiler, bu qanun layihisining amérika dölet mejlisining qararidin ötüsh éhtimalliqigha guman bilen qarimaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet