Америка кеңәш палата әзаси бейҗиңни хитай - америка сода тәңпуңлиқи тоғрисида агаһландурди


2006.01.10
Share on WhatsApp
Share on WhatsApp

Америка кеңәш палатаси вә кеңәш палата малийә - иқтисад комитетиниң әзаси макс бавкус сәйшәнбә күни бейҗиң даирилирини агаһландуруп, әгәр хитай , хитай - америка сода баланисидики тәңпуңсизлиқни түзәтмисиә, " вашингтон хитай маллириниң америкиға експорт қилинишини чәкләш йолида тәдбир елиши мүмкин" дәп көрсәтти.

Франсийә ахбарат агентлиқиниң хәвәр қилишичә, америка дөләт мәҗлисиниң демократлар партийисидин болған кеңәш палата әзаси чак шумир, йеқинда 2006- йили хитайдин импорт қилинидиған барлиқ таварлардин 27 % баҗ елиш тоғрисида қанун тәклип лайиһиси сунуп, хитай - америка сода баланисидики тәңпуңсизлиқни азайтидиғанлиқини билдүргән.

Бавкусниң әскәртишичә, у кеңәш палата әзаси шумирниң қанун тәклип лайиһисини қоллимисиму, әмма кеңәш палатасида шумирниң қанун тәклип лайиһисини қоллайдиған әзалар хели көп санлиқни игиләйдикән.

Бавкус, хитайниң америка хәлқи вә америка дөләт мәҗлисигә хитай - америка сода баланисидики тәңпуңсизлиқни түгитиш сәмимийити барлиқини ипадиләш мәсулийити бар, дәйду. Макс бавкусниң әскәртишичә, у йеқинда хитай сода министири бо шиләй билән учрушуп, униңға америкиниң бу мәсилидики қәтийликини йәткүзгән. У, хитай - америка сода баланисидики тәңпуңсизлиқни " бу йәрдә һазир америкиға җиддий иқтисади хәтәр бар'' дәп көрсәтти. Хитайниң 2005 - йили хитай - америка содисидики актип баланиси 200 милярд долларға йәткән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.