Amérika bilen xitay otturisida soda üstide dawamlishiwatqan ixtilap künséri keskinleshmekte


2006-03-30
Share

Amérika hökümiti 30‏- mart küni amérika we bashqa döletler teripidin xitaygha iksport qiliniwatqan mashi'ina zapchasliri üstide peyda bolghan ixtilap tüpeylidin, xitay üstidin dunya soda teshkilatigha erz sunidighanliqini bildürdi.

Xewerlerge qarighanda bu mesilide dunya soda teshkilatigha xitay üstidin erz sunidighan döletler arisida yawrupa ittipaqimu bar'iken. Yawrupa ittipaqi da'irilirining bildürüshiche, xitay hökümiti 2001 ‏- yili dunya soda teshkilatigha kirishining aldida bergen wedilirige xilap halda, yawrupa ittipaqi we amérikidin import qilinidighan mashina zapchasliridin ilinidighan bajni örletken.

Amérika soda minstirliqining wekili rob portman, xitay hökümiti bu mesilide jawabkarliqqa tartilishi kérek, hemde xitay hökümitidin bergen wedilirige hörmet körsitishini telep qilish kérek, dédi.

Amérika hökümiti, xitay bilen soda mesiliside ixtilaplar keskinleshken bir mezgilde, xitay üstidin dunya soda teshkilatigha erz sunidighanliqini bildürmekte. Xewerlerge qarighanda, amérika dölet mejlisi, prézidént bush hökümitidin soda mesilside xitaygha qarita téximu qattiq bir pozitisyide bolushini telep qilmaqta.

Amérika birleshme agéntliqining xewer qilishiche, sodidiki tengsizlik mesilisi, april iyida amérikini ziyaret qilidighan xitay dölet re'isi bilen amérika prézidénti bush otturi'isidiki söhbetning asasliq témiliridin birini teshkilleydiken.

Ötken yili xitay bilen amérika arisida sodidiki tengsizlik pewqul'adde kéngiyip, xitay amérikigha 202 milyard dollar qimmitidiki tawarni köp iksport qilghan.

Amérika dölet mejlisining nurghunlighan ezaliri, bu chong perqning amérikida mewjut iqtisadiy mesililerning kélip chiqishida muhim rol oynawatqanliqini tekitlimekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet