ئامېرىكا- خىتاي سودا مۇناسىۋىتىنى قايتا تەلتۆكۈس مۆلچەرلەش كېرەك


2005.04.21
Share on WhatsApp
Share on WhatsApp

ئامېرىكىنىڭ كىلەر نۆۋەتلىك سودا ۋەكىلى نامزاتلىقىغا كۆرسىتىلگەن روب پورتمەن پەيشەنبە كۈنى خىتايغا قارشى قاتتىق پوزىتسىيىسىنى بىلدۈرۈپ،" ئەگەر مېنىڭ ۋەكىللىك سالاھىيىتىم بىكىتىلسە، ئامېرىكا- خىتاي سودا مۇناسىۋىتىنى قايتا تەلتۆكۈس مۆلچەرلەپ چىقىشقا بۇيرۇيمەن"- دېدى.

ئۇ بۇ سۆزنى ،ئامېرىكا ئاۋام پالاتاسى مالىيە كومىتېتى چاقىرغان ئۇنىڭ سودا ۋەكىللىك سالاھىيىتىنى بېكىتىش ھەققىدىكى ئىسپات بېرىش يىغىنىدا قىلغان.

ئۇ سۆزىدە يەنە، "مەن ۋەزىپە ئۆتەپ ئۇزۇن ئۆتمەيلا خىتايغا زىيارەتكە بېرىپ، خىتاينىڭ ئادىل بولمىغان سودا ۋاستىلىرى ھەققىدە خىتاي ھۆكۈمىتىگە كۈچلۈك ئاگاھلاندۇرۇش بېرىمەن" - دېدى.

ئۇ يەنە، ئامېرىكا بىلەن خىتاي ئوتتۇرىسىدىكى سودا تەتۈر بالانىسىنىڭ ئۆتكەن يىلى162 مىليارد دوللارغا يەتكەنلىكىنى كۆرسىتىپ، بۇنىڭ قىسمەن سەۋەبىنىڭ خىتاينىڭ بەلگىلىمە بويىچە ئىش كۆرمەيۋاتقانلىقىدىن بولىۋاتقانلىقىنى بىلدۈردى.

مەزكۇر ئىسپات بېرىش يىغىنىغا قاتناشقان باشقا ئامېرىكا ئەمەلدارلىرىمۇ، بۇش ھۆكۈمىتىدىن خىتايغا داۋاملىق بېسىم ئىشلىتىپ، خىتاينى خەلق پۇلىنىڭ تىگىشىش قىممىتىگە بولغان كونتروللۇقنى قويۇپ بېرىشكە مەجبۇرلاشنى تەلەپ قىلدى. (ئارزۇ)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.