ئامېرىكا بىلەن خىتاي سۆھبەت ئۆتكۈزۈشنى قارار قىلدى


2005.04.10
Share on WhatsApp
Share on WhatsApp

ئامېرىكا دائىرىلىرى، خىتاي تەرەپ بىلەن ئىككى دۆلەتنىڭ ئالىي دەرىجىلىك رەھبەرلىرىنىڭ سۆھبىتىنى ئېلىپ بېرىشقا قوشۇلىدىغانلىقىنى بىلدۈردى.

ئامېرىكا تاشقى ئىشلار مىنىستىرلىقىنىڭ باياناتچىسى رىچارد باۋچېر ۋاشىنگتوندا ئامېرىكا تەرەپنىڭ مەزكۇر قارارىنى ، يېقىندا ئامېرىكا تاشقى ئىشلار مىنىستىرى كوندىلىزا رايىس خىتاينى زىيارەت قىلغاندا خىتاي رەھبەرلىرى بىلەن بىرلىكتە بېكىتكەنلىكىنى تەكىتلىدى.

رىچارد باۋچېرنىڭ ئېيتىشىچە، بۇ، ئىككى دۆلەتنىڭ تۇنجى قېتىم بىرلىككە كەلكەن ئاساستا بەرگەن قارارى بولۇپ، ئىككى تەرەپ بىر قاتار سىياسىي ۋە ئىقتىسادىي مەسىلىلەرنى چۆرىدىگەن ھالدا مۇزاكىرە ئېلىپ بارىدىكەن، تېخىمۇ مۇھىمى، ئىككى تەرەپ يېقىندىن ھەمكارلىق ئېلىپ بېرىش ئارقىلىق ، كورىيە يادرو قوراللىرى مەسىلىسىگە چېتىشلىق بولغان 6 تەرەپ سۆھبىتىنى ئەسلىگە كەلتۈرۈش شۇنىڭدەك تېررورچىلىققا زەربە بېرىش قاتارلىق خەلقئارا مەسىلىلەرنى بىر تەرەپ قىلىشنى ئاساسىي نىشان قىلىدىكەن.

بىراق، ھازىرچە ئىككى تەرەپ بىرىنچى قېتىملىق سۆھبەتنى قەيەردە ئۆتكۈزۈش مەسىلىسىدە بىرلىككە كېلەلمىگەنلىكى ئۈچۈن، سۆھبەتنى قاچان باشلاشنى تېخى بېكىتمىگەن، چۈنكى ھەر ئىككى دۆلەت تۇنجى قېتىملىق سۆھبەتنى ئۆز دۆلىتىنىڭ پايتەختىدە ئۆتكۈزۈشنى خالايدىكەن. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.