Америка билән хитай сөһбәт өткүзүшни қарар қилди


2005.04.10
Share on WhatsApp
Share on WhatsApp

Америка даирилири, хитай тәрәп билән икки дөләтниң алий дәриҗилик рәһбәрлириниң сөһбитини елип беришқа қошулидиғанлиқини билдүрди.

Америка ташқи ишлар министирлиқиниң баянатчиси ричард бавчер вашингтонда америка тәрәпниң мәзкур қарарини , йеқинда америка ташқи ишлар министири кондилиза райис хитайни зиярәт қилғанда хитай рәһбәрлири билән бирликтә бекиткәнликини тәкитлиди.

Ричард бавчерниң ейтишичә, бу, икки дөләтниң тунҗи қетим бирликкә кәлкән асаста бәргән қарари болуп, икки тәрәп бир қатар сиясий вә иқтисадий мәсилиләрни чөридигән һалда музакирә елип баридикән, техиму муһими, икки тәрәп йеқиндин һәмкарлиқ елип бериш арқилиқ , корийә ядро қораллири мәсилисигә четишлиқ болған 6 тәрәп сөһбитини әслигә кәлтүрүш шуниңдәк террорчилиққа зәрбә бериш қатарлиқ хәлқара мәсилиләрни бир тәрәп қилишни асасий нишан қилидикән.

Бирақ, һазирчә икки тәрәп биринчи қетимлиқ сөһбәтни қәйәрдә өткүзүш мәсилисидә бирликкә келәлмигәнлики үчүн, сөһбәтни қачан башлашни техи бекитмигән, чүнки һәр икки дөләт тунҗи қетимлиқ сөһбәтни өз дөлитиниң пайтәхтидә өткүзүшни халайдикән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.