Amérika bilen xitay söhbet ötküzüshni qarar qildi


2005.04.10
Share on WhatsApp
Share on WhatsApp

Amérika da'iriliri, xitay terep bilen ikki döletning aliy derijilik rehberlirining söhbitini élip bérishqa qoshulidighanliqini bildürdi.

Amérika tashqi ishlar ministirliqining bayanatchisi richard bawchér washin'gtonda amérika terepning mezkur qararini , yéqinda amérika tashqi ishlar ministiri kondiliza rayis xitayni ziyaret qilghanda xitay rehberliri bilen birlikte békitkenlikini tekitlidi.

Richard bawchérning éytishiche, bu, ikki döletning tunji qétim birlikke kelken asasta bergen qarari bolup, ikki terep bir qatar siyasiy we iqtisadiy mesililerni chöridigen halda muzakire élip baridiken, téximu muhimi, ikki terep yéqindin hemkarliq élip bérish arqiliq , koriye yadro qoralliri mesilisige chétishliq bolghan 6 terep söhbitini eslige keltürüsh shuningdek térrorchiliqqa zerbe bérish qatarliq xelq'ara mesililerni bir terep qilishni asasiy nishan qilidiken.

Biraq, hazirche ikki terep birinchi qétimliq söhbetni qeyerde ötküzüsh mesiliside birlikke kélelmigenliki üchün, söhbetni qachan bashlashni téxi békitmigen, chünki her ikki dölet tunji qétimliq söhbetni öz dölitining paytextide ötküzüshni xalaydiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.