Shimaliy koriye yadro qoralliri heqqidiki 6 terep söhbiti 3 heptidin kéyin qayta élip bérilidu

Xitayning mu'awin tashqi ishlar ministiri wu dawéy 7 - awghust küni , béyjingda ötküzülüwatqan shimaliy koriye yadro qoralliri mesilisi heqqidiki 6 terep söhbitining waqtinche toxtap, 3 heptidin kéyin qayta bashlinidighanliqini jakarlidi.

En'giliye b b s radi'o - téléwiziye shirkitining xewer qilishiche, wu dawéy muxbirlarni kütüwélish yighinida, her qaysi dölet wekillirining öz dölitige qaytip barghandin kéyin , 3 hepte waqittin paydilinip, shimaliy koriye yadro qoralliri mesilisini bir terep qilishta tereqqiyat hasil qilishini hemde her qaysi dölet hökümetliri arisida bu heqte öz - ara pikir almashturushini teshebbus qilip, söhbetning 29 - awghust küni qayta bashlinidighanliqini élan qilghan.

6 Terep söhbiti 13 kün dawamlashqan bolsimu, emma yighin tereqqiyatida héchqandaq ilgirilesh meydan'gha kelmigen, gerche bu heqte birleshme qarar layihisi hazirlan'ghan bolsimu, lékin shimaliy koriye yenila mezkur qarar layihisige qol qoyushni ret qilghan. (Eqide)