Yaponiye bilen xitay sherqiy déngizdiki talash - tartishlar toghrisida söhbet élip baridu


2005-09-27
Share

Yaponiye tashqi ishlar ministirliqining seyshenbe küni ashkarilishiche, yaponiye bilen xitay otturisida jiddi mesililerning birige aylan'ghan sherqiy déngizdiki igilik hoquqi talash tartish qiliniwatqan rayonlarda tebiy gaz qézish mesilisini sözlishish üchün bu heptining axirliri söhbet ötküzidiken.

Roytérs axbarat agéntliqining xewirige qarighanda söhbet jüme we shenbe künliri tokyoda ötküzülidiken. Sherqiy déngizdiki tebiy gaz bayliqigha mol taqim arallarning igilik hoquqi, yéqinqi yillardin béri yaponiye - xitay munasiwitidiki eng jiddi mesilige aylandi. Bu rayondiki arallarning igilik hoquqigha da'ir söhbet axirqi qétim ötken yili 5 - ayda ötküzülgen.

Xitay tashqi ishlar ministirliqining bayanatchisi chin gang, "jonggo ikki terepning mesilini sözlishish we meslihet yolliri bilen hel qilishini ümid qilidu" dédi.

Yaponiye yéqinda xitaylarning tyen weytyen, dep nam bérilgen talash - tartishtiki rayonda tebiy gaz qéziwatqanliqi munasiwiti bilen béyjing hökümitige étiraz bildürgen. Yaponiye soda ministiri soychi nakagawaning tekitlishiche, bu arallar yaponiye iqtisadi rayonigha tewe bolup, yaponiyilikler teripidin kashi taqim aralliri, dep atilidiken.

Yaponiye herbiy ayropilani 8 - ayning bashliri bu rayonda besh dane xitay urush paraxotini bayqighan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet