Японийә билән хитай тақим араллар мәсилиси бойичә сөһбәт өткүзди


2005.09.30
Share on WhatsApp
Share on WhatsApp

Хитай билән японийә җүмә күни токйода сөһбәт өткүзүп, шәрқий деңиздики игилик һоқуқ талаш- тартиш қилиниватқан тақим араллар мәсилисини музакирә қилди. Йиғинда японийә хитайларниң талаш - тартиштики районларда тәбиий газ қезишни тохтитишини тәләп қилған шундақла хитайниң районда елип бериватқан нефит қедириш паалийитигә даир учурларни ашкарилашни оттуриға қойди.

японийә даирилириниң әскәртишичә, әгәр хитайлар учур билән тәминләшни рәт қилса, хитайдин районда нефит қедириш вә қезиш паалийити елип беришни тохтитишқа чақиридикән. японийә хитайниң японийигә тәвә районлардики деңиз асти нефитини тартип кетишидин әнсиримәктә.

Йиғин башлиништин илгири японийә баш министири койзуми, шәрқий деңиздики нефитликни хитай билән һәмкарлишип ечишни ойлишишқа болиду, дәп тәкитлигән. Әмма хитай һөкүмити японийә тәрәп тәкитлигән деңиз чегрисини етирап қилишни рәт қилмақта.

Хитай ташқи ишлар министирлики пәйшәнбә күни хитайниң талаш тартиштики районларда запас кемә әтрити қурғанлиқини елан қилди.

японийә мәтбуатлириниң хәвәр қилишичә, японийә иқтисад министири японийә қоғдиниш қисимлириниң талаш тартиштики районда чарлаш елип беришиға йол қоюш тоғрисида қанун чиқиришни тәләп қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.