Хитай, русийә баш министирлири бейҗиңда йепиқ сөһбәт өткүзди


2005.11.03
Share on WhatsApp
Share on WhatsApp

Хитай баш министири вин җя бав пәйшәнбә күни бейҗиңни зиярәт қиливатқан русийә баш министири микхайил фрәдкоф билән учришип, енергийә вә террорчилиққа қарши һәмкарлиқ һәққидә сөһбәт өткүзди.

Америка бирләшмә ахбарат агентлиқиниң хәвиригә қариғанда, хитай баш министири вин җябав сөһбәттә, русийә даирилирини хитай билән нефит туруба йоли қуруш содиси һәққидики тезрәк келишим һасил қилишқа чақирған. Хитай вә русийә баш министирлири йәнә террорчилиққа қарши һәмкарлиқни күчәйтишкә келишкән.

Хитай вә русийиниң "террорчилиққа қарши һәмкарлиқ" та ортақ мәнпәәти бар болуп, русийә чечән мустәқилчилирини террорчи дәп әйибләп бастурса, хитай уйғур мустәқилчилирини терорчилиққа қарши күрәштин пайдилинип бастуруп кәлмәктә.

Хәвәрдә ейтилишичә, хитай енергийигә болған еһтияҗини қандуруш үчүн, русийидин техиму көп нефит вә газ селивелишни пиланлимақта. Хәвәрниң хитай мәтбуатлиридин нәқил кәлтүрүшичә, вин җябав, микхайил фрәдкоф билән өткүзгән йепиқ сөһбәттә, икки дөләт мунасивитиниң тарихтики әң юқири пәллигә чиққанлиқини билдүргән.

Русийә баш министири микхайил фрәдкоф җүмә күни йәнә хитай дөләт рәиси ху җинтав билән көришиду. Русийә вә хитай, йеқинқи йиллардин буян истратегийилик һәмкарлиқ орнитип, дуняниң көп қутуплишишини қолға кәлтүрүшкә вәдә қилмақта. Уларниң бу хил һәмкарлиқи америкиниң дунядики пәвқуладдә тәсир күчигә қарши турушни истигән дәп қаралмақта. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.