Xitay, rusiye bash ministirliri béyjingda yépiq söhbet ötküzdi


2005.11.03
Share on WhatsApp
Share on WhatsApp

Xitay bash ministiri win jya baw peyshenbe küni béyjingni ziyaret qiliwatqan rusiye bash ministiri mikxayil fredkof bilen uchriship, énérgiye we térrorchiliqqa qarshi hemkarliq heqqide söhbet ötküzdi.

Amérika birleshme axbarat agéntliqining xewirige qarighanda, xitay bash ministiri win jyabaw söhbette, rusiye da'irilirini xitay bilen néfit turuba yoli qurush sodisi heqqidiki tézrek kélishim hasil qilishqa chaqirghan. Xitay we rusiye bash ministirliri yene térrorchiliqqa qarshi hemkarliqni kücheytishke kélishken.

Xitay we rusiyining "térrorchiliqqa qarshi hemkarliq" ta ortaq menpe'eti bar bolup, rusiye chéchen musteqilchilirini térrorchi dep eyiblep bastursa, xitay Uyghur musteqilchilirini térorchiliqqa qarshi küreshtin paydilinip basturup kelmekte.

Xewerde éytilishiche, xitay énérgiyige bolghan éhtiyajini qandurush üchün, rusiyidin téximu köp néfit we gaz séliwélishni pilanlimaqta. Xewerning xitay metbu'atliridin neqil keltürüshiche, win jyabaw, mikxayil fredkof bilen ötküzgen yépiq söhbette, ikki dölet munasiwitining tarixtiki eng yuqiri pellige chiqqanliqini bildürgen.

Rusiye bash ministiri mikxayil fredkof jüme küni yene xitay dölet re'isi xu jintaw bilen körishidu. Rusiye we xitay, yéqinqi yillardin buyan istratégiyilik hemkarliq ornitip, dunyaning köp qutuplishishini qolgha keltürüshke wede qilmaqta. Ularning bu xil hemkarliqi amérikining dunyadiki pewquladde tesir küchige qarshi turushni istigen dep qaralmaqta. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.