Xitay- amérika yuqiri derijiliklerning 2 - nöwetlik istiratégiyilik söhbiti washin'gtonda axirlashti

Amérika paytexti washin'gtonda ötküzülgen xitay - amérika yuqiri derijiliklerning 2 - nöwetlik istiratégiyilik söhbiti peyshenbe küni axirliship, her ikkila terep söhbetni ijabiy, dep bahalidi we 3 - nöwetlik söhbetni kéler yilning deslepki yérimida ötküzüshni qarar qilghan.

Xitayning mu'awin tashqi ishlar ministiri dey binggo bilen amérika mu'awin tashqi ishlarministiri robért zoliyklar otturisida élip bérilghan söhbet ikki kün dawam qildi. Amérika terepning ashkarilishiche, ikki dölet wekilliri térorchiliq, qirghinchiliq xaraktérlik qorallar, yuqumluq késeller, iran, afghanistan we iraq qatarliq mesililerni hel qilish chariliri üstide öz muzakire élip bérishke maqul bolghan.

Söhbet jeryanida dey binggo, amérika dölet mudapi'e ministiri ramsfild, dölet xewpsizlik meslihetchisi xardléylar söhbet élip bardi. Robért zoliyk, bu yil 9 - ayning 21 - küni xitay - amérika munasiwetliri heqqidiki bir nutiqida " amérikining meqsiti xitayni dunya siyasi, iqtisadi we bixeterlik sistémisigha élip kirish " dep tekitligen. U, xitaydin xelq'ara jem'iyetning mes'uliyetchan bir ezasi bolushni telep qilghan idi. (Erkin)