Соломон тақим араллириниң баш министири истипа бәрди


2006.04.26
Share on WhatsApp
Share on WhatsApp

Соломон тақим араллирида көтүрүлгән топилаң сәвәблик, соломон тақим араллириниң йеңидин тәйинләнгән баш министири снайдер рини чаршәнбә күни вәзиписидин истипа бәргәнликини җакарлиди.

Ройтерис агентлиқиниң хәвәр қилишичә, пайтәхт хониарада намайишқа топлашқан хәлқ снайдерниң истипа бәргәнлик хәвирини аңлиғандин кейин, чуқан селип хушаллиқини ипадилигән. Снайдер рини өткән һәптә баш министирликкә тәйинләнгәндә буниңға нарази болған хәлқ күчлүк қаршилиқ билдүрүп, пайтәхт кочилирида намайиш қилған һәтта бу йәрдики хитайларниң дуканлирини булаң-талаң қилған иди.

Шу сәвәбтин бу йәрдики нәччә йүз хитай бу йәрдин айрилип хитайға вақитлиқ қайтишқа мәҗбур болған. Хитайларға қарши кәйпият асаслиқи бу йәрдики хитайлар яки тәйвәнликләрниң соломон һөкүмитидики қанун турғузғучиларға пара берип бу кандидатни баш министирлиққа тәйинләткүзгәнлики һәққидә таралған сөз-чөчәк сәвәбидин шәкилләнгән. Әмма хитай вә тәйвән тәрәп һәр иккилиси буни рәт қилди.

Соломон тақим араллириму бу йәрдики башқа тинч-окян арал дөләтлиригә охшашла хитай билән тәйвән арисида талаш-тартишта қалған дөләт болуп, у тәйвәнни дөләт сүпитидә етирап қилиду. Әмма хитай һөкүмити болса, бу дөләтләрни пул арқилиқ тәйвәндин айришқа тиришиду. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.