Америка сомалийидики әлқаидә базисиға һуҗум қозғимақта

Бирләшмә агентлиқиниң могадишу шәһиридин хәвәр қилишичә, америка әлқаидичиләрниң сомалидики базирилириға AC-130 бәлгилик тик учар билән үчинчи қетим һуҗум қозғиғанда, әлқаидиниң афғанистандики һәрикәтлиригә қатнашқан, осама бинладин билән биллә йүргән 32 яшлиқ фазил абдулла муһәммәд өлгән. Сомали даирилири бу қетимқи һуҗумда, америкиниң африқидики әлчиханилирини партлатқан җинайәт гумандарини қоғлап тутидиған сәккиз йиллиқ һәрикәт ахирлашти, дегән.

Хәвәрләрдин мәлум болушичә, әлқаидичиләрниң сомалидики җәңчилири сомалийә һөкүмити билән ефопийә һөкүмитигә қарши партизанлиқ уруши елан қилғандин кейин, сомали -ефопийә бирләшмә қошунлири өткән айда, әлқаидә җәңчилирини сомалийиниң пайтәхтидин қоғлап чиқарған иди. Бу бирләшмә қошун һазирға қәдәр бу райондики әлқаидә җәңчилирини тазилашни давамлаштурмақта. (Вәли)