Amérika sudandiki toqunushni irqiy qirghinchiliq dédi

Amérika tashqi ishlar ministiri kolin powél, sudan hökümiti bilen sudan hökümitining qollishidiki musulman xelq eskerlirining gherbi sudanning darfur rayonidiki yerlik ahalilarge qaritilghan herikiti irqiy qirghinchiliq shekillendürdi dep eyiblidi .

Kolin powél yuqiriqi sözni kéngesh palatasining tashqi munasiwetler kométitidiki yighinda qilghan sözide tekitligen . U , yuqiriqi xulasini yéqinda darfur rayonigha barghan bir tekshürüsh guruppisi teminligen pakitlargha asasen chiqarghanliqini ilgiri sürgen . Kolin powél , sudan hökümitini janjawéd musulman xelq eskerlirining gherbiy sudandiki yerlik ahalilerge qarshi élip barghan qirghinchiliq herikitini tézginlesh yolida yéterlik tirishchanliq körsetmidi dep eyibligen .

Biraq bu arida sudan hökümiti amérikining gherbi sudandiki yerlik ahalilerge irqiy qirghinchiliq élip bérilghanliqi toghrisidiki eyiplishini ret qildi . Sudan tashqi ishlar ministiri mustapa osman ismayil , saylam mezgilidiki bush hökümiti saylighuchilarning diqqitini ichki mesililer we iraq weziyitidin bashqa yaqqa burashqa urunmaqta dep tenqitligen . B d t xewpsizlik kéngishi peyshenbe küni kechte amérikining sudan'gha néfit imbargosi qoyush toghrisidiki teklipini muzakire qilishqa bashlidi . Sudan hökümiti b d t diki ittipaqdashliri amérikining sundan'gha imbargo yürgüzüsh toghrisidiki teklip lahiyesige qoshulmaydighanliqini bildürmekte .Amérika sudanni b d t ning bu yil 7 - ayda chiqarghan janjawéd xelq eskerlirini qoralsizlandurush toghrisidiki qararini ijra qilmidi dep eyiblimekte . (Erkin)