Б д т дарфурдики ирқий қирғинчилиқни тәкшүриду


2004-10-08
Share

Б д т баш катипи кофи аннан, бәш кишилик бир комитетни ғәрбий суданниң дарфур районидики инсанпәрвәрлик кризисини тәкшүрүшкә тәйинлиди. Комитет дарфур районидики кризисниң ирқий қирғинчилиққа ятидиған яки ятмайдиғанлиқини тәкшүриду. Тәкшүрүш һәйити дарфур вәзийити һәққидики доклатини үч ай ичидә кофи аннанға суниши керәк. Тәкшүрүш һәйитигә италийилик қанун профессори антуниу кәйсис йитәкчилик қилиду. Тәкшүрүш һәйити гана, перу, мисир вә пакистан қатарлиқ дөләтләрдики мушу саһәдә тонулған мутәхәсисләрдин тәшкил қилинди. Антуниу кәйсис 1993 -йилдин 1997 -йилғичә б д т ниң сабиқ югуславийәдики уруш җинайәтчилирини сүрүштүрүш хәлқара уруш җинайәтчиләр сот мәһкимисигә йитәкчилик қилған.

Америка илгири дарфурдики инсанпәрвәрлик кризисини ирқий қирғинчилиқ дәп җакарлиған иди. Хәлқара кишилик һоқуқ органлири дарфурда уруш җинайити садир қилинғанлиқини елан қилған. Бирақ яврупалиқ депломатлар вә әнгилийә һөкүмити, ғәрбий судандики инсанпәрвәрлик кризисини ирқий қирғинчилиқ дәп аташтин өзини қачуруп кәлди. Судан ташқи ишлар министири мустафа осман исмайил, америка дарфурдики кризисни өзиниң сияси мәқсити үчүн сүйиистимал қилмақта дәп вашингтонни әйиблигән. Йеқинқи 19 ай ичидә ғәрбий суданниң дарфур раюнидики йәрлик хәлқтин 50 миң кишиниң һөкүмәтпәрәс әрәп қораллиқ күчлири тәрипидин өлтүрүлгәнлики илгири сүрүлмәктә. Б д т хәвпсизлик кеңиши бу йил 9 - айда қарар чиқирип, раюндики әрәп қораллиқ күчлирини қоралсизландурмиса сундаға имбарго йүзгүзидиғанлиқини агаһландурған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт