B d t darfurdiki irqiy qirghinchiliqni tekshüridu


2004-10-08
Share

B d t bash katipi kofi annan, besh kishilik bir komitétni gherbiy sudanning darfur rayonidiki insanperwerlik krizisini tekshürüshke teyinlidi. Komitét darfur rayonidiki krizisning irqiy qirghinchiliqqa yatidighan yaki yatmaydighanliqini tekshüridu. Tekshürüsh hey'iti darfur weziyiti heqqidiki doklatini üch ay ichide kofi annan'gha sunishi kérek. Tekshürüsh hey'itige italiyilik qanun proféssori antuni'u keysis yitekchilik qilidu. Tekshürüsh hey'iti gana, péru, misir we pakistan qatarliq döletlerdiki mushu sahede tonulghan mutexesislerdin teshkil qilindi. Antuni'u keysis 1993 -yildin 1997 -yilghiche b d t ning sabiq yuguslawiyediki urush jinayetchilirini sürüshtürüsh xelqara urush jinayetchiler sot mehkimisige yitekchilik qilghan.

Amérika ilgiri darfurdiki insanperwerlik krizisini irqiy qirghinchiliq dep jakarlighan idi. Xelqara kishilik hoquq organliri darfurda urush jinayiti sadir qilin'ghanliqini élan qilghan. Biraq yawrupaliq déplomatlar we en'giliye hökümiti, gherbiy sudandiki insanperwerlik krizisini irqiy qirghinchiliq dep atashtin özini qachurup keldi. Sudan tashqi ishlar ministiri mustafa osman ismayil, amérika darfurdiki krizisni özining siyasi meqsiti üchün süyi'istimal qilmaqta dep washin'gtonni eyibligen. Yéqinqi 19 ay ichide gherbiy sudanning darfur rayunidiki yerlik xelqtin 50 ming kishining hökümetperes erep qoralliq küchliri teripidin öltürülgenliki ilgiri sürülmekte. B d t xewpsizlik kéngishi bu yil 9 - ayda qarar chiqirip, rayundiki erep qoralliq küchlirini qoralsizlandurmisa sundagha imbargo yüzgüzidighanliqini agahlandurghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet