Б д т судандики уруш җинайәтчилирини җазалаш тоғрисида қарар мақуллиди


2005-04-01
Share

Б д т, суданниң дарфур районида уруш җинайити садир қилғучиларниң җавабкарлиқини хәлқара сот мәһкимисидә сүрүштүрүш тоғрисида қарар мақуллиди. Б д т хәвпсизлик кеңишидики америка, қарар лаһийисини авазға қойғанда рәт қилиш һоқуқини қолланмиди.

Мәзкур қарар лайиһә, б д т ниң тәкшүрүш доклатида дарфур районидики пуқралар учриған һуҗум инсандарчилик чәк - чегрисидин ешип кәткәнликини оттуриға қойғандин кейин мақулланди. Бу тәклипни әнгилийә оттуриға қойған.

Хәлқара уруш җинайәтчиләр сот мәһкимиси һазирға қәдәр уганда билән конгодики уруш җинайәтчилири үстидин тәкшүрүш елип барған. Амма бу нөвәт судандики уруш җинайәтчилирини сүрүштүрүш қарари, тунҗи қетим б д т тәрипидин қобул қилинди. Америка дәсләптә башқиларниң мәзкур қарарни америкиға қарши сияси мәқсәтләр үчүн сүйи- истимал қилишидин әнсиригән, амма кейинрәк б д т билән имзалиған келишим бойичә, мәзкур қарарни рәт қилиш һоқуқидин ваз кәчти.

Келишимгә асасән хәлқара сот мәһкимисигә әза болмиған дөләтләрдики уруш җинайити садир қилғанлар, мәзкур сот мәһкимисидә әмәс, бәлки өз дөлитидики сот мәһкимилиридә җазалинидиғанлиқини қарар қилған. Б д т ниң қарарини тәнқидлигән судан һөкүмити, уруш җинайити билән әйибләнгән судан пуқралирини хәлқара сот мәһкимисигә тапшурмайдиғанлиқини елан қилди. Хартум һөкүмити, җинайәтчиләрни судан қанунлири бойичә җазалайдикән.

Амма хәлқара кишилик һоқуқни көзүтүш тәшкилати, "хәвпсизлик кеңишиниң уруш җинайитигә мунасвәтлик бир дилони тунҗи қетим хәлқара сот мәһкимисигә тапшуруши тарихий әһмийәткә игә," дәп көрсәтти. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт