Xitay bilen sudan herbiy hemkarliqini barghansiri kücheytmekte

2007-04-04
Élxet
Pikir
Share
Print

Xitay xelq azadliq armiyisining shitab bashliqi lyang gu'anglé, ötken heptining axiridin bashlap xitayni ziyaret qiliwatqan sudan herbiy qisimlirining shitab bashliqi haji exmet el gayli bilen söhbet ötküzgendin kéyin , xitay bilen sudan otturisida herbi munasiwetning téximu kücheytilgenlikini jakarlidi.

Shinxu'a agéntli'iqning bayan qilishiche, lyang gu'anglé "buningdin kéyin junggo bilen sudanning herbiy qisimliri otturisidiki hemkarliq téximu kücheytilidu" dégende, haji exmet el gayli "sudan xitayning wetenni birlikke keltürüshini dawamliq qollaydu" dégen.

Xewer arxiplirigha qarighanda, xitay sudanni herbiy jabduq bilen eng köp teminlewatqan dölet. Buning bedilige sudan xitayni néfit bilen teminlewatidu. Sudanning herbiy qisimliri xitayning tanka, urushchi ayrupilan, pilimut, minamutliri bilen qorallinishqa bashlighandin kéyinki 20 yil ichide, sudanda ichki urush toxtimidi, 2 milyondin artuq adem hayatidn ayrildi, bir nechche milyon adem öz yurtliridin qoghlap chiqirildi.

Sudanning darfor rayonida dehshetlik milliy qizghinchiliq yüz bergendin kéyin, b d t ning sudanni jazalash qararigha xitay ret qilish hoquqini ishletti. Sudanda milliy qirghinchiliq yene dawamlashmaqta. (Weli)

Pikirler (0)
Share
Toluq bet