Kino cholpini jorj kluniy xitayni darfur mesiliside heriket qollinishqa qistidi


2007.07.30
Share on WhatsApp
Share on WhatsApp

Düshenbe küni, amérika holléwud kino cholpini, ijtima'iy pa'aliyetchi jorj kluniy, sudanning darfur rayonida yüz bériwatqan qan tökülüshni ayaghlashturushta xitayning bu rayondiki tesiridin paydilanmaq lazimliqini emma, xitaygha bu jehette ishletken bésimlarning kargha kélidighanliqidin guman qilidighanliqini bildürdi.

Ilgiri bezi gherb pa'aliyetchiliri, xitayning iqtisadi yardimi we siyasiy qollishi sudan hökümitining yürigini yoghinitip darfur rayonining ehwalini téximu yamanlashturuwetti, dep qarap, gherb ellirini darfur mesiliside xitaygha birlikte bésim ishlitishke chaqirghan.

Darfurgha yardem bérish herikitining gholluq himayichisi jorj kluniy düshenbe küni tokyodiki ziyariti jeryanida " biz xitayning bu ishta bashlamchiliq qilishini ümid qilimiz" dédi we xitayning bashqilarning déginige anche perwa qilip ketmeydighanliqinimu qoshumche qildi.

Darfur toqunushi 2003- yili, darfur rayonidiki yerlik milletlerning, ereblerni asas qilidighan sudan hökümitige qarshi élip barghan qozghilingidin kiyin bashlan'ghan bolup, shuningdin étibaren, xartum hökümitining qollishigha érishken janjawid qoralliq küchliri darfurluqlargha üzlüksiz parakendichilik sélip kéliwatidu.

Birleshken döletler teshkilatining sanliq melumatigha qarighanda, darfur rayonida, urush, acharchiliq we urush keltürüp chiqarghan bashqa sewebler tüpeyli hazirgha qeder eng az dégendimu 200 ming adem hayatidin ayrilghan we nechche milyon adem musapir bolup ketken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.