Хитайниң гуаңҗу шәһиридики бир сүний һәмра телевизийә қанили хакланди


2007-05-04
Share

Намәлум кишиләр хитайниң гуаңҗу шәрһидә һөкүмәткә қарайдиған бир сүний һәмра телевизийә қанилиниң сигналини тизгинләвелип, мәзкур телевизийә қанилиниң сигналида һөкүмәткә қарши программиларни тарқатқан.

"Җәнубий астанә гезити" ниң хәвәр қилишичә, бу вәқә 1 - май күни йүз бәргән болуп, шу күни гуаңҗу сүний һәмра кабуллуқ телевизийә қанили сәнәт программиси көрситиватқанда телевизор сигнали 90 минуттәк паракәндичиликкә учриған шундақла бу җәрянда 40 секунттәк һөкүмәткә қарши мәзмундики көрүнүшләр тарқитилған.

Даириләр телевизорда һөкүмәткә қарши қандақ көрүнүшләр тарқитилғанлиқини вә паракәндичилик вәқәсиниң кимләр тәрипидин елип берилғанлиқини елан қилмиди. Телевизийә истансисидики даириләр болса бу вәқәгә баһа бериштин өзини қачурмақта. " Җәнубий астанә гезити" бу хәвәрни елан қилғандин кейин бу хәвәр җүмә күни мәзкур гезитниң тор бетидин еливетилди.

Бу вәқә хитайда һөкүмәткә қарайдиған сүний һәмра телервизийә қаналлириниң тунҗи қетим паракәндичиликкә учраш вә бу телевизийә қаналлириниң сигналида һөкүмәткә қарши программиларниң тарқилиш вәқәси әмәс. Буниңдин бурун фалунгоң тәриқити, хитайниң сүний һәмра телевизийә сигналини хаклап, компартийигә қарши мәзмундики программиларни тарқатқан иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт