Хитайниң айпәри 1- номурлуқ сүний һәмраһи пәләктә ‏12 муқамни яңратмақчи


2007.10.23

Хитай дөләтлик аләм қатниши идариси бүгүн дуня мәтбуатиға ай пәриси 1- номурлуқ сүний һәмраһини чаршәнбә йәни 24 - өктәбир кәч саәт 6 дә қоюп беридиғанлиқини җакарлиди. Хитайниң ай шарини көзитишни мәқсәт қилған, мәзкур сүний һәмраһиниң ракитасиға 23 -өктәбирдин башлап, қоюп берилишкә төт минут қалғичә енергийә қачилиниду.

Хитайниң шичаң сүний һәмраһ қоюп бериш мәркизидә елип берилидиған мәзкур сүний һәмраһни қоюп мәшғулати төт саәт давам қилиду.

Тәңритағ тор бетиниң хәвиридә тәкитлишичә,хитайниң айға қоюп берилидиған айпәри 1- номурлуқ сүний һәмраһи аләмгә чиққандин кейин яңратмақчи болған 30 дин артуқ нахша ‏- музикилар ичидә бирләшкән дөләтләр тәшкилати тәрипидин қоғдилидиған ағзаки ғәйри маддий мәдәнийәтләр ичигә киргүзүлгән 12 муқамму бар икән.

Хитай пәнләр академийиси аләм техникиси тәтқиқат мәркизидин игилинишичә, ай пәриси 1-номурлуқ сүний һәмраһ орбитисиға киргәндин кейинки 380 миң километирлиқ мусаписи җәрянида юқириқи қачиланған музикиларни яңратмақчи болуп, гәрчә хитайниң сүний һәмраһ қоюп бериши уйғурларниң анчә диққитини тартмиған болсиму , муқамниң аләмдә яңрайдиғанлиқи уйғурларни башқичә һаяҗанға салған.

Хитайниң ай пәриси 1- номурлуқ сүний һәмраһи әгәр ғәлибилик қоюп берилсә, орбитисиға 11 - айниң 5 ‏- күнидин ибарәт пиланланған вақитта киргәндин кейин, ай шари хәритисини елип, келәр йили 1- айниң ахирлири йәр шариға қайтуруп келинмәкчи. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.