Amérika süriyining liwandiki qoshunlirini pütünley élip chiqip kétishini telep qildi


2005.03.04

Amérika prézidénti jorji bush süriyining liwandiki qoshunlirini bu yil 5 - ayghiche pütünley chékindürüshini telep qildi. Prézidént bush, " biz qoshun chékindürüsh déginimiz, yérim - yata qoshun chékindürüsh emes, belki pütünley chékindürüshni közde tutqan," dep körsetti.

B b s ning xewer qilishiche, süriye prézidénti bashar es'ed shenbe küni liwandiki süriye qoshunlirining bir qisimi chékinidighanliqini jakalaydiken. Süriye, liwanning sabiq bash ministiri xariri béyruttiki partlash weqeside ölgendin kéyin, xelq'ara jem'iyetning liwandiki süriye qoshunlirini chékindürüsh toghrisidiki bésimigha uchrimaqta. Axirqi waqitlarda qoshun chékindürüshni telep qilghuchilar sépige se'udi erebistan qétildi.

Prézidént bush, amérikining qoshun chékindürüsh telipi süriye qoshunlirini élip chiqip kétish bilen cheklenmeydighanliqini eskertip, " bolupmu süriye liwandiki bixeterlik we axbarat xadimlirini chékindürüshi kérek," dep agahlandurghan.

"Washin'gton pochta géziti" xewer qilishiche, prézidént bush suriye qisimlirining bu yil 5 - ayda liwanda ötküzülidighan saylamdin burun chékinishini telep qilip, qoshun chékindürüsh mesiliside sodilashmaydighanliqini tekitligen. U, süriye qoshun chékindürüshni bija keltürmise, "méning axirqi tallash yolum herbiy heriket bolidu," dep körsetken. Hazir liwanda 15 ming kishilik süriye qoshuni turiwatidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.