Powéll bilen li jawshing teywen mesiliside ixtilapqa chüshüp qaldi
2004.10.01
Amérika tashqi ishlar ministiri kolin powéll bilen xitay tashqi ishlar ministiri li jawshing aldinqi küni washin'gtonda uchrushup, xitayning kapaletchiligidiki shimali koriye yadro krizisini hel qilish boyiche 6 dölet söhbitini dawamlashturushqa qoshuldi,
Biraq ikki terep teywen'ge qoral - yaraq sétip bérish mesiliside pikir ixtilapigha chüshüp qaldi. Ikki döletning teywen mesilisidiki ixtilapi, li jawshing bilen kolin powéllning peyshenbe küni ötküzgen muxbirlarni kütüwélish yighinida özini körsetti. Li jawshing, jogo hökümiti prizidént bush we kolin powéllning teywen musteqilliqighe qarshi turidighanliqi toghrisidiki wedisige alahide ehmiyet béridu didi.
Biraq li jawshing, amérikining teywen munasiwet qanunigha asaslinip, teywen'ge qoral - yara q sétip bérish herkitidin gumanlinidighanliqini tekitlidi. U, herqandaq döletning teywen'ge qoral- yaraq sétip bérishige qarshi turidighanliqini ilgiri sürüp, teywen'ge qoral - yaraq sétishning teywen boghuzidiki muqimliqqa paydisiz ikenlikini eskertti. Biraq kolin powéll li jawshingning yuqarqi qarishini ret qildi.U, amérikining teywen'ge qoral - yaraq sétip bérishidiki sewebi teywenning mudapi'e ihtiyajini qandurush dep körsetti. Kolin powéll, amérika 25 - yildin béri yolgha qoyup kéliwatqan bu siyasetning her qaysi terepler menpe'etige paydiliq ikenligini ilgiri sürdi. Ular yene sudanning darfur rayunidiki krizis üstide pikir almashturghan.(Erkin)