Xitay, amérika we yaponiyining teywenni ikki dölet bixeterlik ramkisi ichige alghanliqini eyiplidi


2005-02-20
Share

Amérika we yaponiye, teywenni ikki dölet bixeterlik ramkisi ichige alghandin kiyin, xitay tashqi ishlar ministirliqi buninggha qet'iy qarshi turidighanliqini ipadilidi.

Amérika birleshme axbarat agéntliqining xewirige qarighanda, amérika we yaponiyining yuqiri derijilik emeldarliri shenbe küni washin'gtonda söhbet ötküzgendin kiyin, birleshme bayanat élan qilip, ikki döletning asiya- tinch okyan rayonidiki 12 türlük ortaq istratégiyilik nishanini jakarlighan.

Buning ichidiki ikki türi xitay bilen biwaste munasiwetlik. Uningda teywen mesilisini tinch yol bilen hel qilish, " ikki döletning mudapi'e hemkarliqidiki ortaq istratégiyilik nishanlirining biri" dep körsitilgen. Chünki xitay hökümiti eger teywen musteqilliq élan qilsa, uninggha qoralliq hujum qilidighanliqini bildürüp kéliwatqan bolup, bu xil weziyet amérika we yaponiyining endishisini qozghighan.

Xitay tashqi ishlar ministirliqi bu munasiwet bilen bayanat élan qilip, "amérika we yaponiyining teywen'ge munasiwetlik her qandaq höjjet chiqirishi, xitayning ichki ishlirigha arilashqanliq, igilik hoquqigha dexli- teruz yetküzgenlik. Xitay hökümiti we xelqi buninggha qet'iy qarshi turidu" dégen. Emma teywen hökümiti bolsa amérika we yaponiyining teywenni bixeterlik ramkisi ichige alghanliqini qarshi alghan.

Xewerge qarighanda, amérika we yaponiyining bixeterlik hemkarliqi yighinigha qatnashqan amérika tashqi ishlar ministiri kondiliza rayis, dölet mudapi'e ministiri donald ramisfil, yaponiye tashqi ishlar ministiri nobutaka mashimura we dölet mudapi'e ministiri yoshinori onu söhbette yene shimaliy koriye mesilisini öz ichige alghan xelq'ara mesililerde hemkarliqni kücheytishni muzakire qilghan. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet