Amérikining sabiq prézidénti bil klinton teywenni ziyaret qildi
2005.02.28
Amérikining sabiq prézidénti bil klinton yekshenbe küni teywenni ziyaret qilip, ikki qirghaq otturisidiki iqtisadi alaqining küchiyishi we siyasi krizisni yumshitidighanliqini bildürdi.
Klintonning teywendiki ziyariti 24 sa'et dawamlashqan. U, ziyaret jeryanda teywen prézidénti chén shüybyen bilen söhbet ötküzdi shundaqla chén shüybyenning klinton sheripige ötküzgen ziyapitige ishtirak qildi. Klinton, amérika démokratiyini ilgiri sürüsh fondi jem'iyiti qatarliq organlarning teklipi boyiche teywenni ziyaret qilghan bolup, u, teywen dölet mejlisining yighin merkizide nutuq sözligen.
Klinton, düshenbe küni teybéyde "méning hayatim" namliq eslimisini tarqitish shundaqla oqurmenler üchün imza qoyush murasimigha qatnashqan. U, düshenbe küni muxbirlarni kütüwélip, bir jonggo siyasitining teywenni qoghdap qalidighanliqini tekitligen. Bu söz teywen musteqilliq terepdarlirining naraziliqini qozghidi.
Klinton teywen'ge kélishning aldida xitayni ziyaret qilghan idi. Uning teywenni ziyaret qilish pilani béyjing hökümitining tenqidige uchrighan. Roytérs axbarat agéntliqini xewer qilishiche, klinton teywen boghuzidiki krizisning hel bolushigha ümidwarliq bilen qaraydighanliqini bildürgen. (Erkin)
Munasiwetlik maqalilar
- Amérika teywende ötküzülidighan herbiy manéwirni közitidu
- Xitay, amérika we yaponiyining teywenni ikki dölet bixeterlik ramkisi ichige alghanliqini eyiplidi
- Amérika bilen yaponiye, teywenni ikki dölet xewpsizlik ramkisining ichige alidu
- Amérika awam palatasi teywen bilen diplomatik alaqini eslige keltürüsh heqqide qarar layihisi otturigha qoydi
- Teywen ,amérika mu'awin tashqi ishlar ministirining sözini ehmiyetsiz körsitishke tirishti
- Amérikining teywendiki bash elchixanisi wezipisidiki instituti bina sélish üchün 99 yilliq ijarige qol qoydi
- Amérika teywendiki orginigha herbiy emeldar ewetmekchi