Amérika adémirali kiting amérika paraxotliri teywen boghuzidin erkin ötiwiridu, dep jakarlidi

Ötken yili 11 ‏- ayda amérikining “Kichik lachin” awi'amatka paraxotlar topi “Teshekkur bayrimi” munasiwiti bilen xongkongda toxtashni otturigha qoyghan , bu teklipke xitay da'iriliri jawab qayturmighandin kéyin, “Kichik lachin” awi'amatka paraxotlar topi teywen boghuzi arqiliq yaponiyidiki bazisigha qaytqan idi. “Amérika awazi” ning bayan qilishiche, amérika tinch okyan qisimlirining bash qumandani edmiral kiting bu qétimqi xitay ziyaritide, 1 ‏- ayning 15 ‏- küni muxbirlarning su'allirigha jawab bergende, xitayning bu mesile üstide téxiche éniq izahat bermeywatqanliqini, ikki dölet herbiy qisimliri otturisida öz-ara ishinishmeslikning téxiche saqliniwatqanliqini körsetti.

Xewerde éytilishiche, adémiral kiting amérika herbiy paraxotlirining teywen boghuzidin ötkenliki heqqide izahat bergende “Amérika paraxotliri emdi teywen boghuzidin erkin ötiwiridu, héchkimdin ijazet almaydu, chünki bu xelq'araliq déngiz rayoni” dep jakarlidi.