Teywen "teywen" nami bilen b d t gha kirishni jiddiy oylashmaqta
2006.08.28
Teywen tashqi ishlar ministirliqining bayanatchisi, teywen hökümitining, teywen nami bilen birleshken döletler teshkilatigha kirishni jiddiy oylishiwatqanliqini bildürdi.
Teywen tashqi ishlar ministirliqining bayanatchisi maykel lu, teybiyde ötküzülgen muxbirlarni kütüwélish yighinida, teywenning b d t gha eza bolush toghrisidiki bir so'algha jawab bérip, teywen tashqi ishlar ministirliqining mutexessisler teywenning b d t diki ittipaqdashliri bilen meslihetleshkendin kéyin, teywen nami bilen b d t gha eza bolushni teshebbus qilish toghrisida jiddiy oylishiwatqanliqini tekitlidi.
U teywenning, teywen nami bilen b d tgha kirishni teshebbus qilishining eng toghra bir qarar ikenlikini, chünki teyenning xelq'arada teyen nami bilen tonulghanliqini bildürdi.
Xewerlerge qarighanda, teywen 13 yildin béri xitay jumhuriyti nami bilen b d t ge kirishni teshebbus qilip kelgen. Lékin xitay hökümitining qarshi turushi netijiside bu herikitide muwappeq bolalmighan idi.
Xitay jumhuriyiti 1971- yili birleshken döletler teshkilatidin chiqirilghan bolup, teywenning b d t diki orni xitay xelq jumhuriyitige bérilgen. (Qanat)
Munasiwetlik maqalilar
- Teywende gomindangchilar prézidént chén shüybyenni wezipisidin qaldurush üchün heriket qozghap meghlup boldi
- Teywende öktichilerning pilani parlaménttin ötmidi
- Teywendiki gomindang partiyisi chén shüybyenni wezipisidin élip tashlash chaqiriqini bashlidi
- Teywen prézidéntining liwiye, hindonéziye ziyariti xitayni ongaysiz ehwalgha chüshürüp qoydi
- Chén shüybyenning amérikigha kirishi alyaska bilen cheklendi