Родман: хитай тәйвән боғизидики һәрбий күчләр тәңпуңлиқини бузди


2006.03.17

Америка дөләт мудапиә министирлиқиниң ярдәмчи министири петир родман, хитайниң һәрбий тәрәққият қурулуши тәйвән боғизидики һәрбий күчләр тәңпуңлиқини өзгәртип, америкини һәрбий истратегийисини тәңшәшкә мәҗбурлимақта, дәп көрсәтти.

Родман пәйшәнбә күни америка дөләт мәҗлисиниң америка - хитай иқтисади вә бихәтәрлик тәкшүрүш комитетида гуваһлиқ берип, хитайниң тәйвән боғизиға 700 данә балистик башқурулидиған бомба орунлаштурғанлиқини вә буниң тәйвән боғизидики һәрбий күчләр тәңпуңлиқида хитайниң пайдисиға өзгириш пәйда қилғанлиқини билдүрди.

У, хитайниң " һәрбий тәрәққияти бу райондики күчләр тәңпуңлиқини өзгәртивәтти. Бу бизни буниңға көрә тәдбир елишқа мәҗбурлимақта " дәйду. Родман, " бизниң вәзипимиз һәрбий тәңпуңлуқни сақлаш вә мәҗбурийитимизни қәти орундаш " дәп тәкитлигән. Родманниң әскәртишичә, хитайниң тәйвән боғизиға орунлаштурған балистик бомбилири йилиға 100 дин көпийип бармақта.

Хитай һөкүмити йеқинда бу йилқи һәрбий хам чотини 35 милярд доллар, дәп елан қилди. Лекин родманниң дөләт мәҗлисидә әскәртишичә,хитайниң бу йилқи һәқиқи һәрбий хам чоти 105 милярд доллар болуши мүмкин.

Родманниң әскәртишичә, җуңгониң " бихәтәрлик мәсилисидики инкарчи позитсийиси вә алдамчилиқи" һәқиқи әһвалини билишни қийинлаштурмақта " у, "биз бурун һәйран қалғанлиқимизға охшаш, кәлгүсидәһәм һәйран қалидиғанлиқимизни унтумаслиқимиз керәк " дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.