Teywenning sabiq prézidénti li dongxuy yaponiye ziyaritini bashlidi


2004-12-27
Share

Teywenning sabiq prézidénti li dongxuy, xitay hökü'itining qattiq naraziliqigha qarimay, düshenbe küni yaponiyige qaratqan munazirilik ziyaritini bashlidi.

Yaponiye hökümiti ötken hepte yaponiyini ziyaret qilishi üchün 81 yashtiki li dongxuyge wiza bergen idi. Xitay hökümiti yaponiyining sabiq teywen prézidéntigha wiza bergenlikige qattiq naraziliq bildürüp, yaponiye hökümitining bu herikiti ikki dölet otturisidiki munasiwetlerni téximu yirikleshtüridighanliqi toghrisida agahlandurghan.

Roytirs agéntliqining xewer qilishiche, li dongxuy yaponiyining merkizi rayonigha jaylashqan nogaya shehirining ayrodurumida qollirida teywen we yaponiye bayraqlirini kötergen bir gurup kishiler teripidin daghdughiluq qarshi ilin'ghan.

Yaponiye hökümiti li dong xoyning yaponiye ziyariti jeryanida héchqandaq siyasiy pa'aliyet élip barmaydighanliqini bildürdi.

2000 - Yili teywen prézidént wezipisidin istipa bergen li dongxuy, 12 yilliq hakimiyiti jeryanida teywenning xelq'aradiki siyasiy ornini yuqiri kötürüsh üchün qattiq tirishqan. Uning 1999 - yili teywen bilen xitay otturisidiki munasiwetler ikki musteqil dölet otturisidiki munasiwet bolushi kérek digen bayanati, xitay hökümitini qattiq ghezeplendürüp, teywen bilen ikki qirghaq arisida élip bériliwatqan söhbetning toxtitishigha sewep bolghan idi.U hazir teywendiki musteqilliq tereptari bir partiyining rehbiri.

Li dong xuyning bu qétimqi yaponiye ziyariti xitay - yaponiye munasiwetliri nacharlashqan bir waqitqa toghra keldi. Xitay- yaponiye munasiwetliri ikki dölet otturisida mewjut bir qatar mesililer bolupmu, yaponiye bash ministiri koyzumining tokyodiki urush qehrimanliri qebristanliqini ziyaret qilishi tüpeylidin ikki dölet munasiwetliri xilila yirikleshken.

Bu arida yekshenbe küni yaponiyining kiyodo xewer agéntliqi ismini atashni xalimighan bezi yaponiye hökümet emeldarlirining sözlirini neqil keltürüp, tibetning diniy dahiysi dalay lamaning kiler yili yaponiyini ziyaret qilishni pilanlawatqanliqini we yaponiye hökümitining dalay lamagha wiza bérishi mumkinlikini bildürgen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet