Donald ramsfild tajikistanni ziyaret qildi

Amérika dölet mudapi'e ministiri donald ramsfild düshenbe küni amérikining ottura asiyadiki herbiy baza mesilisini izdinish üchün tajikistanni ziyaret qildi. Amérika dölet mudapi'e ministirliqidiki emeldarlarning eskertishiche, donald ramsfild ziyaret jeryanida tajikistan rehberlirige ottura asiyada afghanistandiki amérika qoshunlirigha yardem béridighan herbiy baza qurush mesilisini otturigha qoyup, buning mumkinchiliki üstide izdenmekchi iken.

Ramsfild, tajikistan'gha uchush sepiride muxbirlargha ottura asiyada qirghizistandiki birla bazigha tayinip qélish washin'gtonni endishige séliwatqanliqini bildürgen. U, " biz da'im birdin artuq tallash yolini hazirlap qoyushimiz kérek" deydu. Amérika ötken yili özbékistanning xan'abad hawa armiye bazisidiki qisimlirini chékindürüp ketkendin kéyin, qirghizistandiki herbiy baza amérikining rayondiki birdin ‏- bir bazisi bolup qaldi. Qirghizistan bolsa amérika herbi bazisining ijare heqqini östürüp bérishni telep qilip, eger amérika ijare heqqini östürüp bermise manas bazisidin chékinip chiqip kétishni telep qilimiz, dep tehdit salghan.

Ramsfildning muxbirlargha ashkarilishiche, tajikistan bir qisim sh a o e t qisimlirigha sahipxanliq qilmaqta. Tajikistan 2001 - yildin béri amérika herbiy ayrupilanlirining düshenbe aydurumigha qonup may qachilishigha ruxset qilghan. Lékin ramsfild tajikistan prézidénti imam eli raxmanow bilen uchrashqanda herbiy baza mesilisining tilgha élinidighan yaki élinmaydighanliqigha hazirche bir néme déyelmeydighanliqini bildürdi. Shangxey guruhidiki döletler 2005 - yili astana yighinida amérikini qirghizistandin qoshun chékindürüshke chaqirghan. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar