Tajikistan prézidénti imam eli raxmanof ismining axiridiki rusche "of" qoshumchisini emeldin qalduridighanliqini jakarlidi
"Roytrs agéntliqi"ning 21 - mart küni düshenbidin xewer qilishiche, tajikstan prézidénti imam eli raxmanof charshenbe küni alimlar, yazghuchilar we meshhur jama'et erbabliri teklip qilin'ghan bir yighinda "men ismimning axiridiki rus en'ensi buyiche qollan'ghan - "of dégen qoshumchini élip tashlaymen, buningdin kéyin mining ismim imam eli raxman dep atilidu" dep jakarlighan.
Xewerde bayan qilinishiche, 1991 - yili sowét ittipaqi yémirilgendin kéyin, ottura asiya döletliride özlirining milliy til -yéziqini rus padishahlirining en'enisidin ayrip chiqish xahishi peyda bolghan we kishiler öz ismining axiridiki rusche olanmilarni élip tashlashqa yüzlen'gen idi. Hazir ottura asiyadiki dölet rehberliri ichide tunji bolup tajikstan rehberliri ülge yaratti. Emma tajikistan prézidéntining ismidiki rusche "of" qoshumchisi élip tashlan'ghandin kéyinki "imam eli raxman" dégen nami , bu dölette qanuniy resmiyet ötelgendin kéyin andin küchke ige bolidiken we tajikistan buningdin kéyin özining farsi en'enisini dawamlashturidiken. (Weli)
Munasiwetlik maqalilar
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Elfidar iltebir amérika Uyghur birleshmisining yéngi nöwetlik re'islikige saylandi
- Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar
- “Qeshqer konasheher höjjiti” Uyghurlargha qaritilghan tutqunning kölimini yene bir qétim ashkarilidi
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
