Pakistanda qolgha chüshken talibanlar qomandani soraq qilinmaqta

2007-03-03
Élxet
Pikir
Share
Print

Xewerlerge qarighanda, amérika we pakistan razwétka xadimliri, charshenbe küni pakistanning koyte shehiride qolgha chüshken, talibanlarning sabiq mudapi'e ministiri molla öbeydulla axondni soraq qilmaqta. Amérika we pakistan bixeterlik xadimliri, molla öbeydulladin talibanlarning bashqa rehberlirining qaysi yerde ikenliki heqqide muhim axbarat qolgha keltürüshni ümid qilidighanliqini bildrümekte.

Pakistan hökümetning ismini ashkarilashni xalimighan bir xadimining fransiye agéntliqigha bildürüshiche, koyte shehiride pakistan bixeterlik xadimliri teripidin tutulghan, talibanlarning rehbiri molla ömerning yéqin yardemchiliridin biri hésablan'ghan molla öbeydulla, herbiy tik uchar bilen pakistanning paytexti islam abadgha élip kélin'gen bolup, nöwette pakistan we amérika razwétka xadimliri uni soraq qilmaqta.

Lékin jüme küni talibanlarning bir bayanatchisi, molla öbeydulla axundning pakistan bixeterlik organliri teripidin tutulghanliqini ret qilip, uning hélimu afghanistanda ikenlikini bildürdi.

Siyasiy mulahizichiler, talibanlarning muhim rehberliridin biri bolghan molla öbeydullaning amérika mu'awin prézidénti dék chéynining pakistanni tuyuqsiz ziyaret qilishidin ikki kün kéyin tutulghanliqigha diqqet qartmaqta. Bu ziyaret jeryanida amérika mu'awin prézidénti dék chéyni pakistan prézidénti perwéz musherreptin talibanlar we elqa'ide qalduqlirining pa'aliyetlirini toxtitish üchün téximu jiddiy tedbirler élishini telep qilghan idi.

Afghanistan hökümiti we gherb döletlirining xadimliri uzundin béri, taliban rehberlirining pakistanning koyte shehirini merkez qilghan halda pa'aliyet élip biriwatqanliqini tekitlep kelmekte. Gerche 2005‏- yili talibanlarning bayanatchisi koyte shehiride qolgha chüshken bolismu, emma pakistan talibanlarning rehberlirining afghanistan ichide ikenlikini we ularni tutush wezipisining afghanistan hökümitining mes'uliyiti ikenlikini tekitlep kelgen. (Qanat)

Pikirler (0)
Share
Toluq bet