Pakistan hökümiti qebililer bilen kélishim imzalidi

Pakistan hökümiti shenbe küni, pakistan afghanistan chégra rayonidiki qebile bashliqliri bilen, chet'ellik miltantlarni rayondin tazilash we rayondin afghanistanda pa'aliyet élip bériwatqan talibanlargha yardem ewetilishini toxtitish üchün bir kélishim imzalidi.

Bajawer rayondiki bir qebile bilen imzlan'ghan bu kélishim, pakistan hökümitining pakistan- afghanistan chégra rayondiki qbililer bilen imzalighan üchünji kélishimi bolup hésablinidu.

Gherb döletliridiki nurghün mulahizichiler pakistan hökümitining bundin burun weziristandiki qebililer bilen imzalighan kélishimini taliban we elqa'ide qalduqlirining rayonda erkin pa'aliyet élip bérishi üchün purset yaritip béridu dep, qattiq tenqid qilghan we amérika hökümet xadimliri, imzlan'ghan kélishimlerning afghanistandiki chet'el herbiy küchliri we afghan armiyisige qarita élip bériliwatqan hujumlarni azaytmighanliqini tekitligen.

Afghansitandiki talibanlar hakimiyiti 2001‏- yili amérikning herbiy herikiti bilen gumran bolghandin kéyin, nurghunlighan elqa'ide we taliban militantliri pakistan'gha qéchip, pakistan afghanistan chégra rayonida panahlan'ghan hemde rayondiki peshtun qebililiri ulargha panahliq bérip, qoghdighan.

Pakistan hökümiti rayonda panahlan'ghan chet'el militantlirini tazilash we ularning pakistanliq ittipaqdashlirini boysundurush üchün rayonda keng kölemlik herbiy heriketler élip barghan bulup, bu heriketler jeryanida yüzligen kishi ölgen.

Pakistan hökümiti 2005‏- yili rayondiki toqunushlarni toxtitish üchün jenubiy weziristandiki qebililer bilen bir kélishim imzalighan we ötken yili sintebir iyida shmaliy weziri'istandiki qebililer bilenmu oxshash bir kélishim imzalighan idi. Bu kélishimge asasen pakistank mezkur rayonlarda herbiy heriket élip bérishini toxtatqan we rayondiki qebililer chet'ellik militantlarning mezkur rayonlarda pa'aliyet élip bérishigha ruxset bermeydighanliqini wede qilghan.

Emma, gherb dölet xadimliri hemde afghanistan hökümiti kélishimni qattiq tenqid qilip, bu kélishimning talibanlarning afghanistandiki hujumlirini kéngeytishige yol achqanliqini bildürmekte. (Qanat)