Pakistan-afghanistan chégra rayonidiki toqunushlarda onlighan chet'ellik militant ölgen

2007-04-07
Élxet
Pikir
Share
Print

Pakistan da'irilirining bildürüshüshiche, pakistanning afghanistan chégrisigha yéqin jenubi weziristan rayonida panahlan'ghan chet'ellik millitantlar bilen yerlik qebililer otturisida 19- mart küni bashlan'ghan toqunushlar dawamlishiwatqan bolup, bu toqunushlarda hazirghiche 250 kishi ölgen. Pakistan hökümet xadimlirining xewer qilishiche, toqunushlarda ölgenlerning asasliq qismiy jenubiy weziristan rayonida panahlan'ghan özbék militantlar iken.

Lékin amérika birleshme agéntliqining xewer qilishiche, pakistan da'iriliri chet'ellik muxbirlarning rayon'gha bérishini chekligenliki üchün, toqunushlarda ölgenlerning sani we kimliki heqqide pakistan da'iriliri teripidin bérilgen xewerler téxi terepsiz menbeler teripidin éniqlanmighan.

Jenubiy weziristan rayonida panahlan'ghan özbék militantlarning bir qismi 1980‏- yilliri afghanistanda sowét armiyisige qarshi urushqan özbékler bolup, yene bir qisimi bolsa, özbékistandiki islam kerimof hakimiyitning bésimidin qéchip talibanlar hakimiyitidiki afghanistanda panahlan'ghan we 2001‏- yili talibanlar hakimiyiti gumran bolghandin kéyin, afghanistandin pakistan'gha qéchip kelgen özbékler iken.

Jenubiy wziristanda panahlan'ghan özbék militantlar bilen yerlik qebililer otturisida bashlan'ghan toqunushning barghansiri da'irisi kéngeygen bolup, xewerlerge qarighanda, yerlik qebililer ötken düshenbe küni rayondiki özbék militantlargha qarshi jahat élan qilip, urush üchün esker yéghishqa bashlighan ular shundaqla pakistan armiyisini özbék militantlarni yoqitish üchün ulargha qarshi hawa hujumi élip bérishqa chaqirghan. Pakistan armiye xadimliri, rayon'gha bezi herbiy qisimlarning ewetilgenlikini, lékin ularning toqunushlargha qatnashmighanliqini bildürmekte. (Qanat)

Pikirler (0)
Share
Toluq bet