Talibanlar görüge élin'ghan koriyiliklerni qoyup béridighanliqini bildürdi

Talibanlargha wakaliten söz qilghan yüsuf, afghanistan waqti buyiche jüme küni , görüge élin'ghan 22 neper koriyelikni qoyup bérip, afghanistan hökümiti qolidiki talibanlar bilen almashturidighanliqini bildürdi.

Royétrs agéntliqi talibanlarning bayanatchisi yüsufning sözini neqil keltürüp, ularning afghan hökümiti bilen kélishim tüzüp , eger jüme küni sa'et 12 de 8 taliban militani qoyup bérilse , görüge alghan koriyiliklerni derhal qoyup béridighanliqini éytti.

Bixeterlik ishlirigha mes'ul afghanistan ichki ishlar ministiri ari'ana téléwiziyisining ziyaritini qobul qilip, özlirining barliq tirishchanliqlarni ishqa sélip, görüge élin'ghan koriyiliklerni qutulduridighanliqini tekitligen, emma u talibanlar bilen kélishim tüzgenlikige a'it tepsilatlar heqqide toxtalmighan.

Afghanistanning ghezni ölkisidiki saqchi bashliqi amuzey peyshenbe küni, munasiwetlik afghan da'irilirining , görüge élin'ghanlarni saq - salamet qayturup élish üchün , talibanlar bilen alaqe qiliwatqanliqini bildürdi.

Amuzey sözide yene ": biz talibanlargha qarita qoral ishlitish wastisi bilen emes, belki sözlishish arqiliq deslep hich bolmighanda 6 din 8 giche bolghan kishini qutuldurush yolini élip barimiz " dédi.

Bu arida talibanlar, görüge élin'ghanlar ichidiki bir ayalni chet'el muxbirliri bilen téléfun alaqisi qildurup, görüge élin'ghanlarning hemmisining késel ikenlikini anglatqan.

Görüge élin'ghanlar ichide 42 yashliq katolik din tarqatquchisi 25 ‏- iyul küni étip öltürülgen bolup, talibanlar uning öltürülüsh sewebini afghanistan hökümitining talibanlarning shertige qoshulmighanliqidin meydan'gha kelgenlikini bildürgen. (Eqide)