Talibanlar, hamid karzay hökümiti bilen hemkarlishidighanliqining bisharitini bermekte


2008-03-01
Share

Afghanistandiki talibanlarning rehbiri mulla ömerning yardemchisi, mulla burader talibanlar herikitining hamid karzay hökümiti bilen hemkarlishidighanliqining bisharitini berdi.

Roytris agéntliqining xewer qilishiche, mulla burader talibanlarning tor bétide élan qilin'ghan bir bayanatida, afghanistandiki chet'el herbiy qisimlirigha qarshi, özini öltürüwélish xaraktérlik hujumlardin bir qoral süpitide téximu köp paydilinidighanliqini tekitlep, lékin eger chet'el herbiy qisimliri afghanistandin chiqip ketse, talibanlarning afghanistan hökümiti bilen hemkarlishishi mumkinlikini bildürgen.

Bayanatida, afghanistandiki mesililerning urush arqiliq emes, söhbet we chüshünüsh arqiliq bir terep qilinishi kéreklikini tekitligen mulla burader, "eger chet'el herbiy küchliri afghanistandin chiqip ketse, talibanlar hamid karzay hökümitini aghdurushqa tirishmaydu" dégen.

Siyasiy analizchilar, mulla braderning bayanati, talibanlarning siyasitide muhim özgirishning bishariti hésablinidu. Chünki burun ular hamit karzay hökümitini aghdurup, chet'el herbiy qisimlirini afghanistandin chiqirishni özlirining eng asasliq nishani dep élan qilghan idi, déyshmekte.

Shimaliy atlantik ehdi teshkilati herbiy xadimlirining éytishiche, taliban rehberlirining özini öltürüwélish xaraktérlik hujumlardin téximu köp paydilinidighanliqini tekitligenliki, yéqinqi yillarda talibanlarning herbiy jehettin qattiq zerbilerge uchrighanliqini hemde afghanistandiki ittipaqdash armiyige qarshi hujumlar élip bérish qabiliyet we iqtidarini yoqatqanliqini körsitidiken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet