تالىبانلار گۆرۈگە ئېلىنغان كورىيىلىكلەر مەسىلىسى ئۈستىدە كورىيە ھۆكۈمىتى بىلەن سۆھبەتلەشمەكچى


2007-08-02
Share

تالىبان كۈچلىرى19 - ئىيۇل كۈنى 23 نەپەر كورىيىلىك مىسيونېرنى گۆرۈگە ئېلىپ ئۇلارنىڭ ئىككىسىنى ئۆلتۈرۈپ ، تۈرمىگە ئېلىنغان تالىبان ئەسكەرلىرىنى قويۇپ بېرىش بەدىلىگە گۆرۈگە ئېلىنغان كورىيىلىكلەرنى ئازات قىلىدىغانلىقىدەك تەلىپى رەت بولغاندىن كېيىن مەزكۇر مەسىلىنى ھەل قىلىشتا كورىيە ھۆكۈمىتى بىلەن سۆھبەتلىشىشنى توغرا تاپقان.

يەنى2 - ئاۋغۇست كۈنى ئافغانىستاندىكى تالىبانلارنىڭ باياناتچىسى يۇسىف ئەخمەد بايانات ئېلان قىلىپ " : گۆرۈگە ئېلىنغان 21 نەپەر كورىيىلىك تېخى ھايات ، ئەمما ئۇلارنىڭ سالامەتلىك ئەھۋالى بەك ناچار . بىز كورىيە ھۆكۈمىتى بىلەن گۆرۈگە ئېلىنغانلارنى قويۇپ بېرىش ھەققىدە سۈلھىلىشىش ئۈچۈن بىۋاستە سۆھبەتلىشىشكە قوشۇلىمىز " دەپ بىلدۈرگەن.

تالىبان باياناتچىسى بۇ سۆزلەرنى قىلىشتىن بىر كۈن بۇرۇن ، يەنى 1 - ئاۋغۇست ئافغانىستان ھۆكۈمەت دائىرىلىرى تالىبانلار بىلەن كورىيىلىك گۆرۈگە ئېلىنغانلارنى قويۇپ بېرىش ھەققىدە ئېلىپ بارغان سۆھبەتنىڭ نەتىجىسىز بولغانلىقىنى ئېلان قىلغان ئىدى.

ئامېرىكا ئاۋازى رادىئوسىنىڭ خەۋىرىدە كۆرسىتىلىشىچە ، مەزكۇر مەسىلە فىلىپىندا ئۆتكۈزۈلۈۋاتقان شەرقىي ئاسىيا ئىقتىسادى ھەمكارلىق تەشكىلاتى يىغىنىدا كورىيە تاشقى ئىشلار ئەمەلدارى بىلەن ئامېرىكا دۆلەت مەجلىسى ئەمەلدارى ئوتتۇرىسىدا مۇزاكىرە قىلىنغان بولۇپ ، ئامېرىكا بىلەن كورىيە تالىبانلار قولىدىكى كورىيىلىكلەرنى قۇتقۇزۇشتا ھەربىي كۈچ ئىشلەتمەسلىك شەرتى بىلەن ھەر تەرەپتىن تىرىشچانلىق كۆرسىتىشكە كېلىشكەن. (گۈلچېھرە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت