Talibanlar görüge élin'ghan koriyilikler mesilisi üstide koriye hökümiti bilen söhbetleshmekchi


2007-08-02
Share

Taliban küchliri19 - iyul küni 23 neper koriyilik misyonérni görüge élip ularning ikkisini öltürüp , türmige élin'ghan taliban eskerlirini qoyup bérish bedilige görüge élin'ghan koriyiliklerni azat qilidighanliqidek telipi ret bolghandin kéyin mezkur mesilini hel qilishta koriye hökümiti bilen söhbetlishishni toghra tapqan.

Yeni2 - awghust küni afghanistandiki talibanlarning bayanatchisi yusif exmed bayanat élan qilip " : görüge élin'ghan 21 neper koriyilik téxi hayat , emma ularning salametlik ehwali bek nachar . Biz koriye hökümiti bilen görüge élin'ghanlarni qoyup bérish heqqide sülhilishish üchün biwaste söhbetlishishke qoshulimiz " dep bildürgen.

Taliban bayanatchisi bu sözlerni qilishtin bir kün burun , yeni 1 - awghust afghanistan hökümet da'iriliri talibanlar bilen koriyilik görüge élin'ghanlarni qoyup bérish heqqide élip barghan söhbetning netijisiz bolghanliqini élan qilghan idi.

Amérika awazi radi'osining xewiride körsitilishiche , mezkur mesile filipinda ötküzülüwatqan sherqiy asiya iqtisadi hemkarliq teshkilati yighinida koriye tashqi ishlar emeldari bilen amérika dölet mejlisi emeldari otturisida muzakire qilin'ghan bolup , amérika bilen koriye talibanlar qolidiki koriyiliklerni qutquzushta herbiy küch ishletmeslik sherti bilen her tereptin tirishchanliq körsitishke kélishken. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet