Талибан гөрүгә елинған корийиликләр мәсилисидә йеңи сөһбәт башлиди


2007.08.28
Share on WhatsApp
Share on WhatsApp

Афғанистанниң ғәззә өлкисидики һөкүмәт хадимлири пәйшәнбә күни, афғанистандики қораллиқ талибан күчлириниң, гөрүгә елинған 19 нәпәр корийиликниң тәқдиригә мунасивәтлик йеңи сөһбитини башлайдиғанлиқини билдүрди.

Талибан күчлириниң 19 корийиликни гөрүгә еливалғиниға бир йерим айдин ашқан болуп, бу бир йерим айдин бери талибанлар афған һөкүмити вә корийә вәкиллири билән бирқанчә қетим сөһбәт елип барди. Талибан баянатчиси йүсүф , бу қетимқи сөһбәтниң пәқәт ғәззәниң оттура қисмида елип берилидиғанлиқи һәққидила учур берип, әмма бу һәқтә тәпсилий мәлумат бәрмиди.

Талибанлар , мушу айниң башлири икки корийилик аялни қоюп берип, буниң , өзлириниң сәмимийити билән ақ көңүллүкиниң ипадиси икәнликини тәкитлигән иди. Әмма шуниңдин етибарән, талибанлар билән корийә һөкүмити арисидики сөһбәтләр тохтап қалди. Талибан күчлири һазирға қәдәр гөрүгә елинған икки әрни өлтүрүш билән биргә, әгәр афған һөкүмити түрмә ичидики барлиқ талибан әзалирини қоюп бәрмисә, өзлириниң гөрүгә елинғанларниң һәммисини өлтүрүп ташлайдиғанлиқи һәққидә тәһдит салмақта.

Әмма афғанистан һөкүмити, талибанларниң җинайәтчиләр билән гөрүгә елинғанларни алмаштуруш тәлипини рәт қилип кәлмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.