Нигерийидә ечилған хитай дуканлиридин 190 и тақиветилди


2006.01.05
Share on WhatsApp
Share on WhatsApp

Нигерийиниң лагас шәһиригә җайлашқан хитай базиридики дуканлар тамоҗна идариси тәрипидин туюқсиз тәкшүрүлүп, 10 нәпәр хитай содигири қолға елинған. Мәзкур һәрикәтни елип барған тамоҗна идариси хадимниң билдүрүшичә, бу вәқә хитай содигәрлириниң өлчәмсиз малларни сатқанлиқи тоғрисида кәлгән инкас сәвәбидин келип чиққан.

Дуня рай синаш тор бетиниң 1 ‏- январ күнидики хәвиригә қариғанда, нигерийә тамоҗниси хитай базириға қурулған чоң типтики " хәлқара ширкәтләр мәркизи " дики 190 дуканни тәкшүрүп тақиған.

Хәвәрдин мәлум болушичә, нигерийә тамоҗна хадимлири, 12 ‏- айниң 23 ‏- күни сәһәрдә хитай базирини туюқсиз қоршивалған вә дуканлардики малларни тәкшүрүшни тәләп қилған, әмма хитай содигәрләр малларни тәкшүрүшни рәт қилиш билән биргә нәқ мәйдандин қечип кәткән.

Тамоҗна хадимлириниң мәқсити, мәзкур базарда сахта малларни сетиш қилмишини тәкшүрүш болуп, буниңдин илгири хитай содигәрлири ялған маркилиқ сахта малларни нигерийидә көпләп сетип, нигерийә истималчилирини алдиған икән. Бу қетим елип берилған тәкшүрүш нәтиҗисидә 190 дукан пүтүнләй тақивитилгәндин сирт, базардики малларниң һәммиси тамоҗна идарисиға йөткәп кетилгән һәмдә хитай содигәрләр базардин қоғливитилгән.

Тамоҗна идарисиниң мәсули:" биз малларни толуқ тәкшүрүп чиқип, мәсилә көрүлмисә уларниң давамлиқ тиҗарәт қилишиға йол қойимиз "дегән.

Хәлқара мәтбуатларда, хитайниң сахта маллириниң дуняниң һәр қайси җайлириға кәң тарқалғанлиқи, америкиниң нюйорк шәһиридиму даңлиқ маркиларни дорап ясиған хитай маллириниң интайин көп сетилидиғанлиқи мәлум қилинмақта. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.